Mumbai, March 14: Bollywood actor Aamir Khan para tai Gauri Spratt logotey relationship te asey koikina confirm kurisey. Aro koisey ki taikhan duijun tu ek saal opor para relationship te asey. Amir Khan para ekta informal meet and greet event te media ke tailaga partner introduce kurisey.
Amir Khan para enaka koisey, “Ami bhabisey ki apni sob para taikey lok kuribole laga etu ekta bhal moka hobo, aneybi amikhan ke lukai thakibole nalagibo. Tai juwa rati Shah Rukh Khan aro Salman Khan te lok kurisey. Tai Bangalore para asey aro amikhan ek-dusra ke 25 years para janikina ahi-asey. Hoilebi amikhan duijun tu ek-saal-adha ageyte hey connect hoisey. Tai Mumbai te thakisey aro amikhan achanak para lok kurisey, amikhan ek-dusra ke contact kurithakisey aro etu sob tu automatic para nijor hoijaisey.”
Aamir para enaka koisey, “Ami laga naseeb bhal asey ki ami majboot relationship te thakisey. Jaiseki, Reena aro ami para 16 years eksath bitaisey aro etu picheyte Kiran aro ami duijun bi 16 years ek-sath bitaisey aro bisi rasta te amikhan etya tak bi eksath asey. Ami bisi sikhibole paisey aro etu toh aminimitey bhal thakisey. Gauri logotey, ami settled(comfortable aro complete) mehsoos korey.
Gauri Spratt, kunlaga ekta 6 years laga chokra asey, tai para koisey ki tai tu enaka manu bisari thakisey kun norom aro intelligent asey aro Aamir paikina tai khusi khusi asey. Gauri Spratt tu etya Aamir laga production house logotey kaam kuriasey.
Add Comment