Aamir Khan para Monday te Rajkummar Rao logotey ‘Papa Kehte Hain 2.0’ launch kuribole

New Delhi, April 19 : Tushar Hiranandani laga Srikanth film kuntu te Rajkummar Rao aro Alaya F asey, etu film laga trailer te purana gana ‘Papa Kehte Hai’ laga nutun version laga ekta jhalak disey. ‘Papa Kehte Hai’ gana tu Aamir Khan laga film ‘Qayamat Se Qayamat Tak’ laga thakisey. Ajikali laga digital duniya te etu gana laga opor te baat-chit chuli asey aro audience khan tu etu gana hunibole nimitey rukhi asey. Aro etya Pinkvilla para etu exclusive khobor paisey ki etu Srikanth Bolla Biopic film laga team para etu gana ke Monday, April 22 te launch kuribole asey. Etu gana ke Aamir Khan nijor para launch kuribo. Bhushan Kumar para Aamir ke Papa Kehte Hai gana ke recreate kuribole laga idea janaisiley aro Aamir tu khusi thakisey ki etu gana ke Srikanth Balla nisna manu laga jibon laga journey ke celebrate kuribole nimitey recreate kurisey.  Etu opor te etu gana ke Mumbai laga ekta dangor event te suku dikhibole napara manu khan thakiya professional band members khan para Aamir Khan, Rajkummar Rao, Alaya F, Tushar Hiranandani, Srikanth Balla aro producer Bhushan Kumar aro Nidhi Parmar laga mojudgi te live perform kuribole asey.