Mumbai, January 12: Qayamat Se Qayamat Tak te Rajveer Singh , Dil te Raja Prasad laga, Rangeela te Munna laga aro Akele Hum Akele Tum te Rohit Kumar laga role kora para Mann te Dev Karan Singh, Fanaa te Rehan Qadri aro 22 te Laal Singh Chaddha fil te Laal Singh Chaddha laga role taak, Aamir Khan para love(pyaar) laga alag alag shade tu bisi bhal para dikhaisey nijor ke etu role khan te pura-puri dhalikina Bollywood laga “Mr Perfectionist” hoikina. Bisi manu khan para Aamir ke ekta serious manu bhabna korey kun logotey ekta khusi laga mon nai, hoilebi Aamir Khan para koisey ki tai film khan te dikha nisna asol jibon te bi mon para romantic asey.
Aamir Khan para tailaga chokra Junaid Khan laga nutun film Loveyapa laga trailer launch event te share kurisey, “Actually, ami tu ekta bisi romantic manu asey. Ma kosom, ami bisi romantic asey. Etu kobole bisi funny lagey, hoilebi apni etu laga bari te amilaga duijun maiki ke bi hudibo parey. Ami hosa koi asey. Kilemaney moi enaka kisim laga manu asey.”
Aamir Khan para 1986 te Reena Dutta ke shaddi kurisey. Aro taikhan duijun laga duita baccha asey: Junaid aro Ira. 16 years ekeylogotey thaka picheyte 2002 te taikhan duijun divorce hoisey.
Etu picheyte, Aamir tu Lagaan te Kiran Rao ke lok paisey, kotey tai Ashutosh Gowariker laga ekta assistant director thakisey. Taikhan duijun tu dating kora suru hoisey aro 4 saal picheyte 2005 te shaddi kurisey. 2011 te, taikhan tu surrogacy laga through para ekta chokra baccha paisey, Azad Rao Khan. Shaddi hoikina 16 years picheyte, Aamir aro Kiran tu July 2021 te divorce kurisey.
Divorce huwa picheyte bi Aamir Khan tu Reena Dutta aro Kiran Rao duijun logotey bhal rishta rakhi asey.
Add Comment