Aamir Khan tu ek homoitey backstage te kaam kuri thakisey

New Delhi, June 19 : Aamir Khan tu nijor ke bisi bar accidental actor(matlab golti para actor hoija) matey. Hoilebi etu laga dusra taraf te tai para tailaga samne te ki film ahisey etu sob te tailaga best disey. 1992 te release huwa Aamir Khan laga film ‘Jo Jeeta Wohi Sikandar’ laga co-star Deven Bhojani para olop din ageyte taikhan para eksath bita theatre laga din ke yaad kurikina share kurisey ki kinaka ekta play director para Aamir ke kitya bi eku role diyanai aro hodai taikey backstage te kaam kuribole disey. Deven para share kurisey ki tai aro Aamir para eksath theatre te kaam kurisey hoilebi kitya bi eksath acting koranai. Tai para etu laga karon janaikina koisey, “Amikhan tu ekta Gujarati film laga hisa thakisey kuntu ke Mahindra Joshi para direct kurisiley. Tai tu Aamir Khan ke eku role diyanai aro taikey backstage te rakhisey.” Deven para yaad kurikina koisey ki olop show kora picheyte taikhan Gujarat laga tour kuri thakisey aro Sarabhai vs Sarabhai laga actor tu utu homoitey CA articleship kuri thakisey aro tailaga boss para chutti pabole naparikina thakisey. Etu tour te join kuribole naparikina, Aamir para amikey etu film te replace kurisey. Etu chutu role tu Aamir para stage te acting kora first time thakisey.” Bhojani para agey barikina Aamir tu eman sweet asey koisey aro Aamir laga chukri Ira Khan laga shaddi te Aamir para Deven Bhojani ke ‘Ami aaji yatey etu manu nimitey pungchisey” koikina introduce kurisey koisey.”