Guwahati, October 29 : All Assam Minority Students Union (AAMSU) para Sunday din te, Gossaigaon te child marriage nisna samaj te galat kaam chuli thaka laga khilaf te awas uthabole aro awareness feilabole nimitey ekta motorcycle rally rakhisey.
Etu motorcycle rally te AAMSU laga bisi member para participate kurisey aro etu rally nimitey hazar opor cycle jama hoisey. Etu rally ke AAMSU laga president Rezaul Karim Sarkar para inaugurate kurisiley. Etu rally kora laga aim tu aam public khan laga majotey samaj te biya kaam chuli thaka laga awareness barabole thakisey. Aro etu te main tu child marriage asey kuntu tu aji kali Assam te dangor hoithaka topic asey.
Child marriage ke charikina, etu motorcycle rally para drugs chola, mudu kha aro baccha khan ke majduri kuribole diya nisna samaj laga alag galat kaam khan laga khilaf te bi awareness barabole kosis kurisey.
Etu rally tu Serfanguri para suru hoisey aro Tulasibil te khotom nuhuwa ageyte bisi alag alag jaga ke paar kurisey. Etu bike rally khotom huwa picheyte Tulasibil te ekta meeting bi rakhisey.
Add Comment