New Delhi,16 August 2025: Aam Aadmi Party (AAP) laga youth wing Friday din announce kurise ke Delhi University student khan juntu union election contest kuribo mon thake kintu khorcha afford kuribo na pare, tate support dibo.
Application accept kuribo August 15 para 25 tak, koi kena AAP laga youth wing, Association of Students for Alternative Politics (ASAP) official statement te janai dise. AAP Delhi State President Saurabh Bharadwaj koi dise ke etu step khan campus politics te money aru muscle power laga dominance khotom kuribo karone.
“Jodi ekjon student laga ability ase kintu taka nai, to moi tate merit opor te support dibo. Etu ekta model political process laga suru ase, juntu ensure kuribo ke student khan laga idealism free movie ticket aru lavish party para destroy nahobole,” Bharadwaj koise.
DUSU post karone apply kuribo thaka student khan atleast 50 proposers paabo lage, aru etu proposers minimum paanchta college para hobo lage. College level candidate khan karone 10 proposers lagibo nijor campus para. Etu logot ekta one-minute video submit kuribo lage vote appeal kuribo karone aru 200 para 500 word statement of purpose submit kuribo lage.
Bharadwaj koise ke student union election hobo young people khan karone prothom experience of democracy, aru etu political culture shape kuribo.
“Kintu aji kali contest kuribo karone luxury car, gari laga fleet aru extravagant event lagibo pare. Etu jagate politics laga corruption suru hoi,” tai add kurise.
AAP MLA Sanjeev Jha koise, “Etu ekta suru ase juntu te talent ke ability para measure kuribo, car aru cash para nahoi kena. Leadership skill, oratory aru merit hobo criteria. Jodi ami clean politics chahibo, to etu college para suru hobo lage.” DUSU election karone voting hobo September 18 te, aru result announce hobo September 19 te
Add Comment