New Delhi, 17 September : AAP para Tuesday dey Atishi Marlena ke Delhi laga notun Chief Minister nominate kurishey.Arvind Kejriwal, Delhi laga Chief Minister, itu plst karney Atishi laga naam ageyanishey. Atishi je agey dey AAP laga Legislative Party laga leader nishna elect kurishey, Delhi dey.
Itua, Atishi para Kejriwal laga government dey 11 portfolios handle kuri asey. Itu toh Delhi government dey ekta minister para handle kuria departments maju dey sobse bishi asey.
AAP para Tuesday dey ekta crucial legislative party meeting luwo, itu notun chief minister ke ratify kuriboley. Delhi Assembly laga ekta khaas session September 26 aro 27 dey thakibo.
Jaa haafta, liquor policy case dey bail dey release hua piche dey, Arvind Kejriwal para announce kurishey li tai Delhi Chief Minister nishna resign kuribo.
Itia laga Delhi Chief Minister para tai laga resignation toh Lieutenant Governor VK Saxena ke tender kuribo. Itu homoi, notun legislative party leader para Chief Minister laga post dey claim stake kuribo.
AAP chief Arvind Kejriwal para Political Affairs Committee laga party leaders ke Monday dey one-on-one log paishey, Delhi laga next Chief Minister laga deliberation process karney.
AAP leader Saurabh Bharadwaj para confirm kurishey ki PAC laga itu meeting toh Kejriwal laga official residence dey thakishey.
Itu homoi, Arvind Kejriwal demand kuri asey, itu saal Delhi Legislative Assembly elections ke November tak pre-pone kuriboley, Maharashtra state elections logot, national capital karney February elections schedule kurina thakia agey dey.
Add Comment