National

AAP para BJP ke model code of conduct bhanga laga iljam lagaisey

November 20, 2023

New Delhi, November 19 : Aam Aadmi Party (AAP) para Election Commission of India(ECI) ke Bharatiya Janata Party (BJP) ke Delhi laga chief miister aro AAP laga star campaigner Arvind Kejriwal laga soila media te morphed picture khan post kurikina Model Code of Conduct (MCC) bhanga laga mamla te ekta complaint file kurisey.

Etu complaint laga Centre te ekta video asey kuntu ke BJP laga Delhi te thaka official Facebook aro X account khan te November 5 te post kurisey. Etu te, BJP para Kejriwal ke rally khan te thapor kha nimitey jukaisey, vote diya manu khan ke misa misi kosom kha, aro alag bustu majotey tai thaka jaga ke bisi renovation kuri thaka bi asey.

AAP laga complaint para koisey, “BJP para ekta parody banabole kosis kora tu Hon’ble Chief Minister Aarvind Kejriwal aro AAP laga izzat biya kuridibole laga kosis asey.

AAP para complain kurisey ki BJP para bar bar Kejriwal aro dusra AAP member khan laga morphed picture khan post kuri thaka laga complain kurisey. Etu party para point out kurisey ki Kejriwal tu Rajasthan, Madhya Pradesh aro Chhattisgarh  laga ekta star campaigner asey aro etu video aro picture khan tu ekdam niche dikha aro khatarnak para mislead kora aro misa kotha koikina bodnam kora laga asey.

 AAP laga national secretary Pankaj Kumar Gupta para sign kora etu complaint te Election Commission ke etu sabole disey ki kun para bi misa misi kotha spread kurikina, apman kora laga aro naam botnam kora laga bayan dikina nohoilebi dhormic bhabna ke thej pungcha laga kotha koikina election ke influence kuribo nalagey. Election process laga maam maryada ke dhurikina rakhibole nimitey joldi action lobole jaruri asey aro public laga opinion(bhabna) ke olta polta nukuribole nimitey bi jaruri asey.”

AAP para etu complaint tu Novemebr 16 te file kurisiley kuntu din tu ekta national cnvenor hoikina Election Commission para Aam Admi Party laga against te November 8 aro 9 te show cause notice diya laga mamla te jawab dibole thaksiey.  AAP para etu show cause notice te reply dibole nimitey November 20 tak laga homoi mangisey.