Aaranyak para CSMT nemedey kaam laga saman dishey

Arunachal Pradesh: Aaranyak toh ekta premier biodiversity conservation laga organization asey. Edu organization para Arunachal de local janwar khan ke bajapoley nemedey kaam shuru kurishey. Edu organization para Sunday de Community Surveillance aro Monitoring Team( CSMT) nemedey tai khan kaam de jolapole laga saman khan dishey Pasighat de. Tai khan donate kura saman khan toh – torch, headlamp, walkie-talkie, aro – torch, headlamp, walkie-talkie, aro first-aid laga saman khan takishey. Edu saman khan para CSMT khan kisem kisem jaka de kaam kura time de modot kuripo aro tai khan laga duk komti kuripo. Mausam biya time de pe bishi modot kuripo. Tai khan CSMT de modot kura toh , Aaranyak laga aim toh janwar khan laga opor de biya kaam kura nahoiley chukum lagai diya khan bhal para sapoley nemedey asey koishey. Edu saman bhak kura laga ceremony de CSMT laga Chairperson, Maksam Tayeng aro secretary Oki Modi para Aaranyak khan ke bishi khushi paa laga koishey tai khan laga modot paa nemedey. Tai khan para koishey edu saman khan paa toh tai khan nemedey bishi dangor asey. Aro edu para tai khan pe kaam khan eku duk natakhe kina kuripoley parepo. Edu saman khan para tai khan janwar khan ke bachapole kaam de bishi modot kuripo koishey. Enika bhal kaam kura para janey pai asey ke Aaranyak laga organization toh kiman mon dey kina chutu mutu de pe modot kurikina janwar aro natural resources khan bachapole kuri asey.