Abduction Case : 48 Hrs Ultimatum Serve Kurishey, CFMG Opor Tey, Culprit Khan Ke Arrest Kuriboley

October 13, 2024, 05:26 PM : 19 nishina Dimapur-based organization khan, kuntu tey civil society laga group khan aru youth body khan toh mili kena asey tai khan para toh hoiley ekta 48 hrs laga ultimatum issue kurishey, October 12^th para effect kuri kena, itu Cease Fire Monitoring Group (CFMG) laga chairman ke, itu October 10^th tey abduct(joborjosti para uthai loi jawa laga)  kuria aru extortion demand kuria manu kun responsible asey tai ke arrest kuriboley karney. Press conference tey inform kuri kena, Hotel Saramati tey, Saturday tey, Dimapur Ao Youth Organization laga president – Tia Longchar para koishey ki, itu toh hoiley representation tey state kuri kena thakishey, itu 19 organization khan para endorse kuri kena, itu CFMG laga chairman ke submit kuriboley karney, phat/ juldi para intervene kuriboley aru assist kuriboley itu galti kuria manu khan ke arrest kuriboley kun khan itu kaam tey involve thaki kena asey, itu October 10^th laga abduction aru extortion case tey. Tai para mention kurishey ki, itu organization khan toh ekta representation submit kuria hey thik thaka laga paishey, itu Cease Fire Monitoring Group chairman ke, kiley koiley itu authority toh hey responsible asey, itu ceasefire agreement khan toh sai jaboley nimitey, highlight kuriboley ki ki laga violation khan, ceasefire ground rule khan laga, Naga political group khan para. Aru eneka homoi tey, itu organization khan para ekta five-point resolution adopt kurishey, ekta interim Dimapur-based youth tribal body form kuriboley, alag khan majetey, ekta full-fledged Dimapur tribal youth organization establish nahoa tak, apex tribal body khan logotey consult kuri kena, Dimapur tey. Tia para emphasize kurishey ki, itu interim youth body toh hoiley sob Naga community khan laga awaz toh majbut kuriboley aim kurey, inclusive para kaam kuri kena, sob ke represent kuriboley. Youth organization kun khan tatey present thakanai itu press conference tey, tai khan para bhi tai khan laga support janaishey, itu resolution khan nimitey, tai para state kurishey.