Islamabad, February 4: Pakistan laga High Commissioner in India Abdul Basit toh etiya Aizaz Ahmad Chaudhary laga jagate ahikene natun Foreign Secretary hobole ase.
GeoTV pora kua hisab te Chaudhary ke United States te country laga envoy hobo dibole karone designate korikene ase koise.
Report laga hisab te Abdul Basit laga appointment laga announcement toh aha sapta te koribo nisena ase.
Eitu kaam karone Basit ke teen sal agge te select korikene thakishe hoillebhi technical reasons karone tai appoint hobole parikene thaka nai hoillebhi tai ke high commissioner banai dikene thakishe.
Pakistan laga ambassador for the United States Syed Jalil Abbas Jailani pora bi Washington te ambassador hisab te tai laga contractual period complete kora pichete tai laga charge chari dikene ase.
Aizaz Chaduhary toh US capital te na-pungchiya tok Rizwan Saeed Sheikh pora Charged D’ Affairs hisab te act korikene thakibo.
Sources khan pora kua hisab te, Abdul Basit wapas aha pichete Pakistan pora natun high commissioner in India laga mamla ke loikene fasla koribole ase koise.
Add Comment