Tuesday, October 29 – Actor Abhishek Bachchan ekta strong response dishe journalist Navneet Mundhra logote, juntu tai ke accuse korishe ki Abhishek laga recent Best Actor award “kini loi ase” aru heavy PR (public relation) use kori loi ase. Etu accusation ahishe tai laga 2024 film I Want to Talk karone, juntu film karone Abhishek award paishe.
Social media te Abhishek tai laga izzat defend korikina koishe , “Moi clear kori dibo — moi kitiya bhi award kini nai, na PR use kora nai. Moi laga kaam blood, sweat aru tears logote ase. Moi tumike prove kori dibo.” Tai laga statement pichete fans aru colleagues khan support dishe aru appreciate korishe tai laga respectful kintu strong response ase.
Mundhra laga post te koi she ki film toh komti manuh dekhi she aru award toh PR aru paisa laga influence te paishe, merit te nai. Etu statement karone Bollywood te award shows laga credibility upor te discussion shuru hoishe, aru PR campaigns laga effect upor te bhi question uthai dishe.
I Want to Talk te Abhishek laga acting khan manu logote appreciate kori dishe, aru bishi manu tai laga performance ke tai laga “most mature role” buli koishe. Etu controversy te film industry te award system aru actor khan laga pressure upor te phir se question uthai dishe. Criticism thaka bhi Abhishek confident ase ki tai laga kaam hai tai laga proof ase — dedication aru honesty hai tai laga career define kore, PR power nai
Add Comment