Abhishek Bachchan tu Shah Rukh Khan-Suhana Khan laga King te villain laga role kuribole asey

New Delhi, July 16 : Shah Rukh Khan aro Suhana Khan tu King film tee key logotey kaam kuribole laga news aha picheyte, sobsey latest khobor tu etu asey ki Abhishek Bachchan para bi etu action film ke join kurisey. Etu film tu Marflix Pictures aro Red Chillies Entertainment para milikina banaisey. Kuntu ke Siddharth Anand para takeover kuri asey. Etu ke Sujoy Ghosh para direct kuribole asey. Abhishek laga baba Amitabh Bacchan para para ekta news article laga screenshot ke share kurikina etu news confirm kurisey kuntu te Abhishek para ekta parivar laga cast ke join kora laga bari te koikina thakisey. Kotey Abhishek ke gunda laga role kora dikhibole asey.  Amitabh para Raavan nisna film te Abhishek laga acting skill laga tarif kurisey kotey tai villain laga role kurisiley. Abhishek aro Shah Rukh Khan para poila te Kabhi Alvida Na Kehna aro Happy New Year nisna film te eksath kaam kurisiley. Aro taikhan tu etu film nimitey aro ekbar eksath ahi asey. Ekta report para enaka koisey, “King(Shah Rukh Khan) para Abhishek ke enaka dangor commercial movie te first time pura puri negative role te present kuri asey. Aro tai tailaga performance logotey ekta dangor impact kuribole sure asey. Jitya Abhishek ke etu role offer kurisiley tai asurit hoijaisey hoilebi etu ke logalog swikar kurisey. Etu tu ekta special role asey. Aro Siddharth Anand logotey Abhishek ke audience para poila te kitya bi nidikha hisap te present kuribole bisi dangor plan asey.” Etu film laga shooting tu etu saal laga May moina te suru hobole asey.