New Delhi, 25 September : ICC Men’s T20I ranking te dangor change ahise, kintu India laga dujon player Abhishek Sharma aru Varun Chakravarthy bishi player uporte uthilebi, nijor batting aru bowling chart te top spot dhori rakhi ase. Varun Chakravarthy Pakistan laga khilaf Asia Cup Super Fours match te wicket napailibi, tai 0-25 laga economical spell bowl korina scoring rate control koridise aru top spot te thaki 14 rating-point barai loi ase.
Seam-bowling all-rounder Hardik Pandya 6 jagah uthi bowling ranking te 60th place te pohchi ase, aru T20 format te all-rounder ranking te top spot dhori rakhi ase.
Dusra side te, Abhishek Sharma top spot dhori rakhi ase karon tai India laga last group stage match te Oman laga khilaf quick-fire 38 run loi dise, aru Pakistan laga 171 target Sunday te chase kori uthise match-winning 74 run loi dise. Tai laga teammate Tilak Varma, left-handed batter, Pakistan khilaf chase complete korise 19 ball te 30 not out loi dise, aru tai ekta jagah barhi batter ranking te number three te uthise.
Dusra ranking gainers te, Pakistan laga leg-spinner Abrar Ahmed dangor uthi bowling ranking te number four te pohchise, 12 jagah uthi 703 rating point logot loi ase. Itu karon tai Sri Lanka laga khilaf miserly spell 1-8 bowl kori Pakistan laga campaign revive koridise.
Add Comment