Mon, 02 November: Saturday din KNSK Hall, Aboi jaga deh District AIDS Prevention and Control Unit, Mon pora theme ‘Know Your Status’ pethor deh World AIDS Day laga 30th anniversary manaise. Tai khan logode logode TI, NNP+, Aboi ke NSACS aro Project AHANA pora support kora thakise. Etu din deh Longyim Tzudir, DPO, DAPCU pora kowah toh, 1988 1st December time pora World AIDS Day toh hotai sal manai. Etu din toh manu khan logode HIV deh kelaaf korikena fight koribo karni unite kori aro AIDS bemari deh link thaki kena mora khan ke hesab (honour) kori koikena janaise. Dr Ajit Kumar, SMO, CHC Aboi pora HIV laga basic janaideya thakise aro care aro treatment services deh laab moi kena thek time deh saijabole janaideya thakise. Katha speech time deh, Shongmet K, President, KNSK, Aboi Unit pora sob manu logode logode PLHIV community deh morom, respect, motob aro support koribe koikena janaise. Formal session bechide Mobile ICTC aro CHC team pora HIV, STI aro Blood grouping test kora thakise.
Aboi deh World AIDS Day manaise
Add Comment