July 14, 2023 : Itu lamba hapta tey hoa 1st Inter School Tournament toh hoiley khotom hoishey, July 11th tey, Aboi laga public ground tey. Itu laga closing ceremony toh hoiley Teisovisa Metha para prathana kuri kena khotom kurishey, tai toh hoileyAboi laga 11 NAP (IR) Battalion laga Commander asey. Tai kotha koi thaka homoi tey, tai itu Aboi Town laga Student Union (ATSU) khan ke khushi janaishey/shabashi dishey itu tournament organize kuria nimitey aru tai khan laga bhal/durr tak bhabana dangor kuria laga kotha koishey, kuntu toh hoiley jawan chokra/churi khan ke opportunity khan diboley laga ekta bhal aru quality sportsmanship hoboley laga. Tai discipline laga opor tey bhi kotha koishey itu toh kiley important asey koi kena moi khan laga pura jeevan tey aru kiman manu khan yatey participate kurishey, tai khan sob ke dikhai diboley koishey, tai khan laga takot toh, participate kuri kena.
Itu Tournament toh hoileykisim kisim game khan feature kurisehy, category alag alag kuri kena :
- Chukra: Football Football, Volleyball, and Marathon race (Senior & Junior category)
- Chukri: Volleyball
- Chukra & Chukri : Girls: Badminton (Singles and Mixed Doubles)
Itu football laga event tey, Aboi laga Government Higher Secondary School toh hoiley jeetiboley parishey 4-2 tey para, penalty laga shootout kuri kena, Aboi laga Longshang Memorial School laga against tey. Chukri khan laga vollebal tey , Aboi laga Government Higher Secondary School championship pai loishey, Government Middle School ke runners up tey chari kena. Wangka School toh hoiley chukra laga volleyball tey top tey paishey St. John School ke runners up tey rakhi kena.
Itu Tournament toh hoiley bhal para discipline thaki kena khotom kurishey sob participant khan majetey mila-mili thaki kena.
Add Comment