Aboi, 19 July: 19th July 2019 deh Department of Legal Metrology and Consumer Protection, Mon para Y. Rilise Sangtam, Asst Controller LM & CP, Mon logode Consumer Awareness Programme loise. Etu toh Chen Paan Aboi jaga deh loise.
- Relise Sangtam koise, kon saman nahoile services toh nejor jolabo nemide keni etu khan toh consumer ase. Buyer laga agiya para kon saman khan keni etu khan consumer ase. Etu para sob manu toh consumer ase ekta side deh nahoile tusara side deh.
Tai para consumer protection Act toh 1986 deh ola laga ase koise. Etu toh consumer’s interest nemide ola laga ase koise. Tai para consumer ke right toh Act pathor deh ase aro consumer ke Right to safety ase koise.
Consumer ke right to inform ase. Consumer para be saman junibole laga right ase aro nejor para fesla koribole right ase.
Judi consumer khan saman ke kushi powah nai koile tai khan complain koribole right ase aro etu toh thek samai deh kotha olabo lagi.
Sangtam para manu khan ke Voluntary Consumer Organisation (VCO) toh Aboi deh bonabole mon dangor korise. Kelay koile consumer protecting activities toh othabo nemide.
Tai para ami khan sob toh consumer ase aro ami khan ekta nahoile tusara para dekthari powah toh thaki koise.
Etu agae deh tai para be Department of Legal Metrology and Consumer Protection deh kotha kora thakise.
EAC Aboi, Lithrila Sangtam para Department of Legal Metrology and Consumer Protection, Mon ke ektum kushi powah janaise. Kelay koile Aboi deh first time enaga programme toh lowai kena manu khan ke consumer rights opor deh giyan deya nemide. Tai para be manu khan ke consumer laga rights toh janibole koise aro manu khan ke be Department logode mela meli thakibole koise.
Programme deh Konyak Union Aboi Vice President, Head DB Aboi, Head GB Aboi, ATSU khan be kotha kora thakise. Programme deh Er. Nganyei Konyak, Inspector LMCP, Mon chaired thakise.
Add Comment