July 22, 2024: Associate Vice President, Athletics Federation of India (AFI), Abu Metha ke toh hoiley nominate kurishey, itu Athletics Federation of India para, ekta delegate hisap tey, itu forthcoming Paris Olympics Games 2024 nimitey, kuntu toh hoiley 26th July para 11th August tak hoboley asey. Ekta letter tey, AFI laga Secretary – Ravinder Chaudhry para state kurishey ki, Metha laga expertise aru experience toh hoiley significant para contribute kuribo, itu Indian delegation laga success karney. . Chief Minister, Neiphiu Rio para bhi Metha ke congratulate kurishey, tai laga nomination opor tey aru state kurishey ki, tai laga experience toh hoiley dangor para itu game khanaru sport khan tey benefit kurbioley asey, India tey, especially Nagaland tey.
Abu Metha kuntoh hoiley itu Athletics Federation of India laga Associate Vice President asey, tai toh hoiley North East Olympic Association laga Working President bhi asey. Tai itu Indian Team laga Team Leader bhi thakishey, itu World Under 22 Athletics Championships tey, kuntu toh hoiley Nairobi, Kenya tey hoishey. Tai itu National Mountain Running Committee laga convenor bhi asey, Athletics Federation of India aru World Athletics under tey.
Add Comment