March 05:05 PM: Nagaland (IDAN) laga Investment & Development Authority laga Chairman aru Chief Minister karney Advisor – Abu Metha aru TAFMA laga Chairman – Theja Muru para itu Adelaide Fringe Festival 2025 tey attend kurishey, Australia tey, 14th March, 2025 tey, official delegate khan hisap tey, itu Fringe Festival aru Honey Pot networking aru spotlight event khan laga invitation tey jai kena.
Metha para khushi pawa laga express kurishey, itu event laga Organizer khan ke, aru South Australia laga Government ke invitation nimitey, aru itu visit ke sponsor kuria nimitey, kuntu tey airfare, tatey thaka laga, logistic khan aru event ticketing khan bhi include thaki kena asey.
Itu Adelaide Fringe Festival toh hoiley duniya laga second sob para dangor laga arts festival asey, kuntu toh hoiley 30 din nimitey hoi, itu South Australia laga capital tey aru tai khan toh hoiley tai khan laga 65th edition commemorate kuri asey. Itu festival tey toh hoiley 1000 event khan para bhi bishi asey, duniya laga alag alag jaga khan para tatey perform kuriboley asey. Itu festival aru tatey laga related activity khan toh hoiley 100 million dollars para bhi bishi wala contribute kurey, notun pioisa hisap tey, tai khan laga economy tey aru 13,000 job opportunity khan tey access kuriboley diye aru itu saath saath tourism khan tatey jaboley laga bhi boost kurey, teen lakh tourist khan nishina laga.
Abu Metha para bhal bond thaka laga share kurishey, India aru Nagaland laga, Australia logotey ekta fellow Commonwealth country hisap thaki kena aru Nagaland laga special position highlight kurishey, history tey, itu Kohima laga iconic Battle laga context tey, itu 2nd World War laga homoi tey.
Add Comment