December 16, 2025: Sub-Divisional Officer (Civil) office, Ralan, Wokha under tey inaugurate kurishey, MLA & Chairmen SDPDB Bhandari, Achumbemo Kikon para, 15th December, 2025 tey. Itu inaugural programme tey kotha kuri kena, Kikon para itu Public aru stakeholder khan ke congratulate kurishey, aru describe kurishey itu notun office toh ekta significant milestone asey koi kena koishey, Administration ke remote are khan tey osor tey aniboley karney, aru yatey para Public service deliver enhance kuri kena aru co-ordination majbut kuri kena, grassroot institution khan logotey.
Tai para itu officer khan ke urge kurishey, dedication aru transparency logotey serve kuriboley, aru itu same time tey, tai para itu citizen khan ke bhi appeal kurishey, full co-operation nimitey aru itu youth leader khan ke encourage kurishey, shanti aru Development promote kuria tey, itu jaga tey. Tai para assert kurishey ki, itu government toh hoiley committed asey inclusive growth aru development nimitey, itu Border region khan tey.
Itu programme toh hoiley, Tsenthungo E. Ngullie (C) Ralan para chair kuria laga thakishey aru Pastor Renben Ovung, Chandalashung New village para ekta dedicatory prathana pronounce kurishey.
Renbomo Ezung, Additional Deputy Commissioner Wokha, Samuel Ovung, Chairmen Ralan Area Lotha Hoho aru Ren Murry Contractor para khata speech khan deliver kurishey.
Itu program toh hoiley ekta vote of thanks logotey khotom hoishey, Lawrence Ovung, Chairmen Ralan Range Union, Dimapur para deliver kuri kena.
Add Comment