BENGALURU, NOVEMBER 25 : Saturday sam phale Bengaluru Hospital te Kannada Actor pora Politician nemite huijaa Ambareesh murise. Aro tai mura toh mon laga bemar pora murijaise. Etubi 66 sal huikena.
Etu Ambareesh toh ekta bhal Rebel Star nemite thaka laga ase. Aro tai ke khushi baa manu kan besi jun ase. Aro tai etu Film banabole Career nemite 1972 porahi suru kurikena kam julai aha laga ase. Etubi dakku nemite. Etu bejete hi tai bhal nemite kobi Starring karne kam julai aha laga ase koise.
Etu Ambareesh toh Mandya District, Karnataka state laga pora ase. Aro tai Actor nemite thaka bejete Politician huijaa laga ase. Eneka huikena etu Mandya District laga pora Minister nemite Prime Minister Manmohan Singh Sorkar time te hua laga ase koise. Aro tai mura karne 3 din nemite State Mourning thakibole Karnataka Sorkar pora manise. Aro tai mura nemite Chief Minister HD Kumaraswamy aro tusera leaders kan aro tai ke khushi baa (Fans) kan pora besi mondukh laga kotha kan janaide kena thakise koise.
Add Comment