Actor Sonu Sood para Maharashtra Police logot 25,000 face shield donate kurishe

 New Delhi. July 17, 2020.Sonu Sood para Maharashtra laga Police personnel logot 25,000 face shields donated kurishe koikena thursday din te state Home Minister Anil Deshmukh para janai thishe. Tai koishe ke, “@SonuSood Ji tuh dunyabad thiase, tai para 25,000 #FaceShields, ami khan laga police personnel logot donate kora nemite”. Deshmukh para actor para bhal kam kura nemite khushi thishe. Minister para aro tuita(2) micro-blogging site laga noksa  share kurishe. Etai dak Sonu Sood para migrant labourers khan ke buses aro flights arranged kurikena nejor chaka te botai thishe, etu nemite tai tuh manuh khan laga real-life hero ase koishe. Tai laga fans khan laga chaka tuh hotai din tangor jaiase aro tai laga kam karne manuh khan besi kushi ase koishe. Etu sob oper te, tai laga selfless service nemite tai ke political target kurishe aro Shiv Sena MP Sanjay Raut para tai laga bhapana ke ase hotishe koishe. PTI laga khobor hesab te, Sono Sood para estimates kurikena 18,000-20,000 neshina kam kora manuh khan ke nejor ghor te wabas botaishe, etu oper te fights para Assam, Odisha aro Uttarakhand laga migrants khan ke be pasikena thaka chaka para othaishe. Controversy thaka nemiite PTI logot kotha kora samay, Sono Sood para koishe ke, “ami politics logot eku kam nai. Ami etu kam kora tuh migrants khan ke morom laga para ase. Ami motob thikena tai khan laga ghor manuh khan ke wabas lok kuri thiboli mon ase”.