May 18, 2024 : All Commercial Vehicle Association (ACVA) Wokha distrct laga para toh hoiley kotha kuri kena raazi kurishey, eku yearly commercial tax khan entertain nakuriboley, Naga political groups (NPGs) para, itu group khan toh eke nahoi jawa tak, ekta single platform under tey.
Itu toh hoiley kotha kuri loishey itu ACVA laga 10th foundation day laga commemoration tey, kuntu toh hoiley Lotha Hoho Ki, Wokha town tey loishey, May 17th, 2024 tey.
Itu house toh hoiley itu bhi reaffirm kuri kena thakishey, 2024 resolution khan tey aru resolve kurishey, NPG khan laga meeting khan tey kun bha najabo koi kena, “itu meeting toh ki nimitey asey utu najanai diya tak.”
Judi office laga manu khan, member khan, nahoilebi gari khan ACVA laga, tai khan kunba nahoiley kunba ke intimidate nahoilebi harass kurishey koiley, Wokha district tey, taxation demand khan laga related tey, NPG khan para, itu association para husiyar janai dishey, ki, itu responsible party khan toh hoiley accountable hobo, tai khan laga action khan nimitey.
Add Comment