Tripura, 8 April : Asian Development Bank (ADB) $85.4 million laga loan approve korise Tripura te important industrial infrastructure improve koribole karone, juntu manufacturing sector ke competitive banai dibo, job create koribo aru regional aru global value chain te connect hobo te help koribo. ADB hisab te, etu Tripura Industrial Infrastructure Development (TIDC) Project, ADB laga ageta kaam, economic aru industrial corridor development te base kori banai kora ase.
ADB already ekta project readiness financing loan state government ke dise, juntu state laga 9ta industrial estate te integrated, inclusive aru sustainable infrastructure build koribole groundwork banai dise. Technical assistance bhi dise ja te business environment improve kora, aru notun industrial policy introduce koribole help korise.
ADB laga Senior Public Sector Economist Sameer Khatiwada koise ki Tripura te bhal quality laga infrastructure nai thaka karone manufacturing te private investment attract kora, aru fast industrialization te problem ahise. Tai koise ki etu project etu problem solve koribo karone ase, infrastructure improve kori, institution laga structure strong kori aru business environment ke bhal banai dibo.
Project te road, drainage, culvert aru rainwater harvesting system banai dibo. Power distribution system energy-efficient hobo aru solar power facilities bhi install koribo. Streetlight, fire station, weighbridge, security system aru sanitation facilities bhi improve kora hobo. Compressed natural gas bus aru electric vehicles introduce kora hobo, charging station logot.
Project te mahila khan karone bhi bisi focus ase. Mahila khan ke employment opportunity dibo, training aru facility management te chance dibo. Estate ek-ekta te 300 square meter jaga women-led enterprise karone reserve koribo. Female workers karone daycare center aru gender desk bhi banai dibo.
Add Comment