October 15, 2024, 05:52 PM : ADC & Executive Officer, Wokha Town Council, Renbomo Ezung para toh hoiley itu sob concern khan ke inform kurishey ki, Municipal Affairs Department notification laga hisap tey, sob duka kuria khan/ trader khan aru business establishment khan, Wokha Town Council jurisdiction under tey ki, New Market regulation toh hoiley yatey para notify kuridi asey, market establishment nimitey, Wokha Town tey, nichetey di kena asey:
- Sob dukan khan aru alag alag business establishment khan Wokha Town Council jurisdiction bhitor tey, sign board dhaliboley lagibo, 31st Oct, 2024 tak tey –
- Dukan laga naam.
- Ki dukan asey.
- Dukan laga license/ permit number.
- Sob dukan khan spaha aru hygiene environment maintain rakhiboley lagibo, letra phekaboley laga dabba khan mandatory rakhi kena, dukan bhitor tey nahoiley bahar tey.
- Sob dukan malik khan saman laga daam khan bhal para najana manu khan ke employee rakhiboley manna asey.
- Sob dukan laga malik khan bhal para maintain kuriboley lagibo aru tai khan dukan laga permit license rakhiboley lagibo aru alag related document khan tai khan laga dukan tey.
- Sob dukan laga malik khan expire hoa saman khan customer ke bikaboley manna asey.
- Judi kunba dukan khan nahoilebi manu khan original MRP laga jaga tey nijey para daam likhiboley laga kaam kuria dhuriboley parishey koiley, tai khan ke prosecute kuriboley asey, thik Law aru section laga under tey.
- Kun kun dukan khan hoilebi MRP para bishi para daam kuri kena saman bikaboley manna asey.
- Sob dukan laga malik khan ke light bulb khan dhaliboley direct kuri kena asey, tai khan laga dukan tey, 31st Oct, 2024 tak tey, fail nakuri kena.
- Sob dukan khan toh Sunday tey bon thakibo, Dawai laga dukan khan chari kena.
Add Comment