Aditi Rao Hydari aro Siddharth laga shaadi hoijaisey

New Delhi, September 16 : Aditi Rao Hydari aro Siddharth tu etya shaddi kurikina mota-maiki hoijaisey. Taikhan duijun laga shaddi tu ekta sapna nisna thaka wedding ceremony te hoisey aro Hindu laga nyom hisap te hoisey. Shaddi nimitey Aditi tu ekta golden organza lehenga logotey sundur ruby aro sona laga gehna pindisey. Siddharth tu ekta simple kurta aro veshthi(lungi) pindisey. Aditi aro Siddharth laga secret wedding para taikhan laga fan aro sathi khan ke asurit kuridisey, kun khan para social media te morom aro badhai disey. Aditi aro Siddharth ke recently US te huwa Apple laga ekta event te dikhisiley. Taikhan duijun tu taikhan laga film Maha Samundram(2021) laga set te ek-dusra laga morom te girisey. Aditi para poila te Siddharth para taikey propose kora lag abari te koisiley. Aditi para koisey, “Tai(Siddharth) tu kneel down kurisey aro ami para taikey hudisey, ‘Etya apni ki haraidisey? Kunlaga shoelace khulikina asey?’ Tai enaka koi thakisey, ‘Addu, ami laga kotha hunibi.’ Aro etu picheyte tai para propose kurisey. Tai para koisey ki tai amikey ami laga bachpan(chutu time) laga favourite jag ate loijabole mon asey, kotey amilaga grandmother laga asirvad thakibo.” Aditi tu ageyte actor Satyadeep Mishra logotey shaddi hoikina thakisey, kun etya fashion designer Masaba ke shaddi kurikina asey. Taikhan duijun alag hoija laga khobor tu 2013 te odisey. Siddharth bi poila te dusra maiki logotey shaddi hoikina thakisey kun logotey tailaga divorce 2007 te hoisey.