Advisor Wangpang Konyak Para Itu KSU 24th Sports Meet Cum 77th Federal Assembly Grace Kurishey

March 12, 2025, 06:01 PM: Social Welfare laga Advisor – Wangpang Konyak para itu opening programme ke grace kurishey, itu Konyak Students’ Union (KSU) 24^th Sports Meet cum 77^th Federal Assembly laga, Mon laga Local Ground tey para, 11^th March, 2025 tey.

Itu Advisor para tai laga gratitude express kurishey, itu KSU official khan ke, tai khan laga initiative nimitey, itu event organize kuria nimitey aru koishey ki, eneka nishina event para manu khan toh hoiley sports aru literacy laga field khan tey improve hobo.

Tai para joint responsibility laga importance opor tey stress kurishey, kuntu nimitey tai para manu khan ke leader khan logotey cooperate kuriboley nimitey urge kurishey.

Tai para state kurishey ki, education aru knowledge toh hoiley power asey aru tyaari kuria toh hoiley foundation asey.

Tai para student khan ke tai khan laga study khan tey sincere hoboley karney koishey aru competitive exam khan tey focus kuriboley koishey. Tai para human resources opor tey kotha kurishey aru itu civil society organization khan ke urge kurishey, ekta aru bhi bhal future nimitey step loboley karney.

Itu programme laga alag highlight khan tey flag hoist kuria laga thakishey KSU laga President – Temwang para aru Sacred Heart School Choir para KSU Anthem ganna kurishey. 

KSU laga President para welcome address deliver kurishey, Tobu Area Students’ Union para ekta special number present kurishey.

Itu Games & Sports Secretary KSU, Chingkap  para kosom khawa laga administer kurishey.

Itu event toh hoiley Mon Area Students’ Union para host kuria laga thakishey, itu ‘Reawakening the present; Re-envisioning the future’ laga theme under tey, aru itu toh hoiley 19^th March, 2025 tey khotom hoboley asey, koishey.