Agencies: Thursday te India para goal maribole bishi chances nabana nimite 0-2 para UAE logote harishe. India aro UAE laga match toh Zayed Sports City Stadium, Abu Dhabi te hoishe. AFC Asian Cup 2019 toh United Arab Emirates (UAE) para host kuri ase. Match toh jeeta nimite UAe toh Group A laga top spot toh loi jaishe. Group A te UAE toh four points paishe aro India toh three points para second spot paishe. Hosts nimite Khaflan Mubarak (41st minute) aro Ali Ahmed Mabkhout (88th) para duita half te India against te score kurishe. Etu duita goal UAE para mra nimite India toh match jeetibole para nai.
United Arab Emirates para Asian Cup laga purana match te bhi India ke 2-0 para haraishe. Etu toh 1984 tournament laga group stages te thakishe.
First-half te India para goal maribole bishi chances banaishe. India laga forward Ashique Kuruniyan para bishi goal maribole chances banai kena UAE khan ke bishi didar dishe. Centre-back Sandesh Jhingan toh Anirudh Thapa para ball pass kora nimite goal olop para score kora nai.
India para UAE ke bishi pressure under te rakhile bhi Mubarak para tai laga right thang para shoot kuri kena goal mari dishe. Mubarak ke 41st minute Mabkhout para assist kura nimite Mubarak goal maribole parishe. Etu pichete UAE para bishi goal maribole chances banabole suru hoishe. Game laga half time bhitor te UAE India opor te 1-0 para lead kurishe.
Second-half te Indian coach Stephen Constantine para tai laga side para early change kurishe Halicharan Narzary ke Jeje Lalpekhlua para replace kurishe.
India para dusra 45 minute te attack kuri kena khelishe. India laga Sunil Chhetri arao forward Jeje osor te free-kick maribole pa para bhi eku kuribole para nai.
Mabkhout para right thang para box laga centre te goal mari kena game seal kuri dishe. Goal toh Ali Hassan Salmin para assist kurishe.
Add Comment