Wuhan, 21 November : Chinese star Wang Shuang dui ta goal mari dise (“brace”) aru Wuhan Jiangda Thursday te Wuhan, China te East Bengal ke 2-0 te harai dise AFC Women’s Champions League laga group-stage match te.
Wuhan Jiangda, juntu Champions League laga defending winner ase, first group-stage match te Uzbek team Nasa logot 1-1 te draw kuri thaki ase. Kintu Indian champion East Bengal logot match te, Shuang laga class clear dikhai dise — ekta goal open play pora aru ekta penalty pora.
Champions League winner itu match shuru pora offensive style te khelise aru eight minutes bhitor te first breakthrough pai luse. Shuang Song Fei laga ekta cross loi kina ball ke Panthoi Chanu laga goal te easily push kuri dise.
Ekta women’s football heavyweight logot face kuri thaka karone, East Bengal backline ke strong banai rakhibole choice kurise, kintu aru ekta defensive error tai logot dangor price loi dise.
Add Comment