Afghan Air Strikes te 30 Taliban morishe

Kabul, Afghanistan: September 20, 2020 Saturday din te Afghan air force para Taliban chaka te hamla kora te 30 oper Taliban sepai khan morishe koikena officials para janai thishe. President Ashraf Ghani para aro ceasefire thakiboli koishe. Taliban para koishe ke, air para hamla kora tui dozen neshina civilians pithor te maiki aro bacha khan morishe. Qatar te peace talks thaka samay etu latest hamla kora ase. “aji pujur, Taliban sepai (Afghan army) khan Kunduz province, Khan Abad district te ahishe,” koikena Defence Ministry para Twitter statement te koishe.Sepai khan “bhal para thayar” korikena etu hesab te hamla korishe” statement te koishe, aro 30 Taliban laga sepai khan morishe etu oper te tuita(2) commanders be mora te shamil ase. Statement ekta te, Taliban para tai khan sepai mora nai hoilebi 23 civilians khan morishe koishe. Defence ministry para koishe ke, tai khan para jane aro investigate koribo. Local hospital laga director Mohammad Naeem Mangal para AFP logot koishe ke, tin jun mora manuh aro tin jun jokom paa khan ke hospital te loikena anishe. Etu hamla kora toh olop din agae te Ghani para humanitarian ceasefire “ami khan manuh pajabo nemite, larai aro terrorist kam thur thakiboli aro etu oper te shanty be thakibo” koikena thaka beche ase. Taliban para etu kotha toh nahoi koishe, hoilebi tuita alag-alag shanty thakibo nemite etu saal kotha korikena ase, aro etu etai Doha te jaa hafta para peace talks jai ase. Talks toh asti hoikena jai ase, hoilebi tuita chaka para be agenda toh eku felsa nahoina ase koishe.