Doha: September 13, 2020. Taliban aro Afghan government, Sunday din te Peace talks soruh hoishe, etu samay tai khan pithor te ceasefire nemite aro dosura tangor kam besi kotha koriboli ase koishe. Saturday din, Qatari capital Doha te, opening ceremony samay Afghan government, dosura desh partners aro etu oper te United States khan be ceasefire nemite ahikena thakishe. Hoilebi, Taliban, kuan khan para tuita desh pithor te 2001 para lari korikena ahishe, kotha kora table te ceasefire nemite te ahishe kowah nai. Afghan government laga peace process head para AFP logot koishe ke, Taliban para tai khan manuh jail te thaka botli koriboli mangibo pareh koishe. “etu toh tai khan laga ekta idea nahoile demand hoboli pareh” koikena Afghanistan’s High Council for National Reconciliation laga chairman, Abdullah Abdullah para koishe. US para Taliban logot larai kora toh 20 saal oper hoishe ke aro Taliban khan besi neji kerishe, etai dak te hotai din manuh besi moriase aro desh laga economy beya hoikena million manuh khan besi dhuk te ase koishe. Taliban khan bhapana ase ke, judi larai kotom hoile tai khan laga takot toh komti hobo bhapana ase. Talks koriboli soruh samay speech te, Taliban co-founder Mullah Abdul Ghani Baradar para aro koishe ke, Afghanistan te Islamic law hesab te jabo aro etu sobse tangor point ase. President Ashraf Ghani laga government para Western-backed status quo te thakibo mon ase keli koile etu te rights aro maiki khan nemite tangor freedom be ase koishe. Kabul laga negotiating team 21 manuh pithor te 4 jun toh maiki manuh ase. Taliban khan power te thaka samay 1996-2001 saal te, tai khan para maiki manuh laga freedom toh hatai thishe aro etai maiki negotiators nai koishe. Statement te, Ghani para “a lasting and dignified peace” hoboli koishe aro etu para jaa 19 saal te ke paishe etu rakibo.
Kabul laga negotiator Habiba Sarabi para AFP logot koishe ke, talks toh “besi bhal/positive” thakishe. US-backed negotiations khan planned kora neshina loboli paranai choi(6) moina deri hoishe, keli koile February moina te jail te thaka manuh nemite kotha koriboli lamba hoishe.
Add Comment