Islamabad: Sunday din Afghanistan border osor te militant para goole jola te tuita(2) Pakistani soldiers morishe, koikena army para janaishe. Tui(2) hafta hoishe ke Kabul toh Taliban para kapza howa beche etu first hamla kora ase. Army para koishe, tai khan para jawab deya te tui(2) jun- tin(3) jun hamla kora manuh ke morai-thishe, hoilebi etu khobor toh kobuli napare keli koile Afghan border te journalists aro human rights organizations nemite off limits thaka nemite. Pakistan’s Bajaur district etu hatsa toh first samai ase Taliban para Afghan capital August 15 darik te kapza howa beche. Bajaur jaga toh law nathaka tribal jaga Afghan border osor te ase aro etu jaga te militants aro Islamist militant pithor te organisation Tehrik-e-Taliban Pakistan (TTP) koikena ase. Tehrik-e-Taliban Pakistan (TTP) para Kabul kera beche Afghan Taliban logot aro melikena olop din akhe para Pakistani army kelaaf te campaign kori ase. Sunday din laga hamla toh Army para kaun group para ase junai deya nai, hoilebi TTP leaders aro fighters toh Afghanistan te tribal districts te bohi ase. TTP para hamla kora toh Telegram message te Reuters journalist logot shared korishe aro tai khan laga manuh logot eku jokom powa nai koishe. “intelligence laga khobor hesab te, Pakistan army troops logot hamla kora nemite, 2-3 terrorists be morishe aro 3-4 terrorists jokom paishe,” koikena military para statement te janai thishe. Statement te putnam korishe ke, “Afghan jaga te terrorists para Pakistan kelaaf te hamla kora toh tangor kotha janaishe.” Pakistani Interior Minister Sheikh Rasheed Ahmad para koishe ke, Islamabad laga bapana te Afghan Taliban para anti-Pakistan Taliban toh Afghan jaga te Pakistan pithor te hamla hoboli besas thaka nai. Islamabad para TTP logot putnam thishe ke, tai khan para Afghanistan jaga joilakena July moina samai northern Pakistan te suicide hamla korishe, etu samai 9 Chinese workers aro 4 jun Pakistanis manuh morishe. Afghan Taliban’s spokesman Zabihullah Muhaid para tai laga first conference samai koishe ke, Islamist militants para Afghan jaga te kaun manuh logot be hamla koriboli nathibo koishe.
Add Comment