Kabul, 10 September: Government official pora janaideya hesab de, Sunday din Kabul jaga de suicide bomb putha (blast) pora 7-jun moraidese aro 25-jun ke jokhom hoise koise. Etu suicide bomb puta toh, purana anti-Soviet mujahideen commander Ahmad Shah Massoud mora de yaat kori-kena manai thaga time de putha laga ase koise. Police pora janaideya hesab de, etu hatsa howah toh tusara sucide bomber ke police pora shot kori kena moraideya bechide hoise koise. Etu manu toh sucide bomb puthabo thaga ase koise. Government spokesman Wahid Majroh pora janaideya hesab de, etu hatsa howah jaga pora 7-deathbody aro 25-jun jokhom powah khan ke hospital de loijaise koise. Ahha moina parliamentary elections thakibole osor pongji thaga time de aro Massoud mora din de yaat kori kena manai thaga time de, etu hatsa howah pora Kabul de tension othi ase koise. Etu agae din, wrestling jaga de-be blast pora 20 opor manu moraideya thakise.
Afghan capital de blast proa 7-jun moraidese
Add Comment