KABUL: Officials Monday te koishe Afghan Taliban khan para komti hoile bhi 12 security force members ke gari bomb hamla para murishe. Etu toh Maidan Wardak laga central province laga military base te hamla kurishe.
Maidan Wardak provincial governor laga spokesman Mohebullah Sharifzai koishe compound te ghushi bole kosis kora duita hatiyar dhura manu ke murai dishe.
Mr Sharifzai aro koishe ke park kuri kena thaka dusra gari te bhi explosives khan lagai kena thakishe. Etu gari toh officials khan para discover kurishe aro defuse kuri dishe.
Province laga health director Mohammad Salem Asgharkhilkoishe security forces laga 28 jokom huwa manu khan ke hospital loi jaishe.
Mr Mohammad Salem Reuters ke koishe biya huwa khan dekhi kena casualties huwa laga number toh aro bhi uthibole paray koishe aro health team khan toh aro victims khan toh besari ase koishe.
Taliban para etu hamla laga zimidari claim kurishe. Spokesman Zabihullah Mujahid koishe etu para bishi manu murishe aro dozens manu khan jokom hoishe.
Recent moina bhitor te insurgents khan hamla kora toh bishi hoishe. Insurgents khan Western-backed government ke hatabole mon ase aro tai khan laga hardline Islamic law version toh wapas anibole mon ase.
Add Comment