Afghan te bomb botishe

Kabul, Afghanistan: November 7, 2020. Afghan laga purana media te kam kora manuh aro tui(2) jun civilians bomb blast te morishe koishe. Etu hamal toh Saturday din Kabul te notun hamla te desh te helai deya ase koishe. Yama Siawash toh tai laga gari te bomb rakikena thaka botha samai morishe, Tai laga ghor osor Afghan capital te howa ase koikena  police spokesman Ferdaws Faramarz para journalists khan logot janai thishe. Olop din agae te Siawash toh Afghanistan’s central bank te advise thakishe aro tai toh Tolo News, desh laga sobse tangor  private TV channel te political aro current affairs khobor kora manuh thakishe. Etu hamla kora toh kaun group para be nam lowa nai. Desh te manuh neshina journalists, clerics, politicians aro rights activists khan ke target hoikena besi jun ke morai thishe. Aro etu hamla toh Kabul aro dosura cities te besi hoikena ase. Siawash mora khobor honikena, jolti para Afghan officials khan para botnam korishe. “journalists ke target kora toh freedom of expression ke target kora ase” aro Siawash mora toh desh nemite besi nokson ase”, koikena Abdullah Abdullah, kaun desh te shanty thakiboli laga head ase tai, para statement te koishe. “etu toh napowribo aro maff nakoriboli laga kam ase”.President Ashraf Ghani laga spokesperson Sediq Sediqqi para be Afghanistan te sobse bhal aro tangor khobor kora manuh morai deya  nemite botnam korishe. Olop moina para Afghanistan te larai toh besi hoiase, etu oper te Taliban aro Afghan government khan desh te shanty thakibo nemite kotha kora samai howa ase. Monday din te pithor manuh khan para Kabul University te hamla korikena 22 manuh ke morai thishe aro mora manuh te students besi wala thakishe. Etu hamla toh ISIS khan para nam loishe. Olop din agae te be Kabul educational centre te suicide bomb para 24 manuh ke moraishe. Etu hamla toh be ISIS para nam loishe koishe.