Kabul, Afghanistan: September 9, 2020. Wednesday pujur central Kabul, Afghanistan vice president Amrullah Saleh, laga convoy te hamla korikena bomb orishe. Etu samay tui(2) jun manuh morishe aro aro dozen neshina jokom paishe, koikena officials khan para janai thishe.
Amrullah Saleh, toh Afghanistan laga senior tuita (2) wala vice president ase. Hoilebi, tai ke jokom howah nai. “pithor manuh khan para hamla kora te fail hoishe aro Saleh toh bhal hoikena thik te ase” Saleh laga media office head, Razwan Murad para koishe. Interior ministry spokesman Tareq Arian paa koishe ke, khobor hesab te blast te tui(2) jun manuh morishe aro 12 manuh jokom hoishe. Hamla kora laga kotha kora samay, Amrullah Saleh laga manuh para AFP logot koishe ke, suicide bomber khan para Saleh laga convoy te ghor para kam te jaa samay hamla kora ase. Dukan maiki, Abdhulla para koishe, blast para tai laga dukan windows sob botia thishe. “aro dukan ekta, gas cylinders beka chaka te jui lakishe, aro etu para cylinders toh botishe”, tai he koishe. Amrullah Saleh toh Taliban laga dusman ase, jaa saal be presidential elections samay hamla ekta para pachise. Etu samay, 20 jun civilians morishe aro 50 neshina jokom paishe, suicide manuh khan para Saleh laga Kabul office hamla korishe. Wednesday din laga hamla toh, Afghan aro Taliban khan Doha laga capital Qatari te peace kotha koriboli samay te howah ase. Amrullah Saleh toh, President Ashraf Ghani laga fisrt deputy ase koishe aro dosura vice president toh Sarwar Danish ase koishe.
Add Comment