Afghanistan: Bomb blast te 9 jun morishe

December 20, 2020. Sunday din Kabul te bomb blast how ate komti hoilebi 9 jun manuh morishe aro 15 dosura manuh khan jokom hoishe koikena police para Afghan capital te janai thishe. Etu blast toh Spin Kalay city laga Police District 5 (PD5) te hoishe koikena Khaama Press para koishe. Interior Ministry laga deputy spokesman, Ferdaws Faramarz para kowa toh blast kora jaga osor tinta(3) gari te jui thurishe, hoilebi ke para olaishe etu khobor toh aro powa nai. Etu bomb blast para Kabul parliament laga member Haji Khan Mohammad Wardak gari te hamla kora ase koishe. Wardak toh etu hamla para pachishe. Kaun group nahoile manuh para kamla kora toh nam lowa nai. Hafta oper pura Kabul te eneka hamla toh besi hoikena ahiase koishe. December 15 dariko te, senior Afghan official Mahbubullah Muhibi aro tai laga office assistant toh Makroryan-e-Char city osor te tai laga gari te bomb thali deya te putikena morishe. Etu din akhe te, komti hoilebi tui(2) jun manuh aro dosura tui(2) jun be MP Mohammad Tawfiq Wahdat laga gari te hamla kora samai morishe. Hamla kora toh Hotel-e-Parwan, Police District 15 osor te korishe koishe. Blast kora samai Wahdat toh gari pithor te thaka nai. December 12 darik te, Kabul city laga alag-alag jag ate 10 rocket para hamla kora te 1 jun manuh morishe aro tui(2) jun manuh morishe. November 12 darik te be 23 rockets neshina para hamla kora te 8 jun civilians khan morishe koishe.