Islamabad, 2 September: Eastern Afghan laga Jalalabad jaga de Pakistan pora olob time karni consulate bondh korise. Tai khan pora kowah hesab de local govermnet pora interfere kora aro security komti howah karni bondh korise koise. Hoilebe Saturday din Afghan official pora janaideya hesab de, etu toh na-puja (misunderstanding) karni howah ase koise. Aro etu toh joldi thek hoijabo koise. Kabul jaga pora Pakistan embassy pora Afghan Ministry of Foreign Affairs logode letter de kowah toh, Nangarhar province laga government khan consulate function de interfere nakoribe kowah thakise. Pakistani mission pora be Afghan authorities logode security de aro-phal koridebo karni request kora thakise. Tati janaide kena thaga toh, consulate toh bondh hoi kena thakibo security arrangement kothom nahowah tak aro embassy’s kushi na-powah thakise kowah thakise. Afghan Foreign Ministry nemide kotha kowah manu Sebghatullah Ahmadi pora janaideya hesab de, Jalalabad jaga de, Pakistani consulate laga staff majode buchi-napowah karni chamala ola ase koise. Hoilebe kotha kowah manu Ahmadi pora pura kotha toh janaideyanai. Tai khan Kabul embassy laga Pakistan official logode meeting loise aro etu chamala toh aro joldi phal huijabo koise. Eastern Nangarhar province laga governor Hayatullah Hayat pora janaidiya toh, tai Jalabad laga Pakistan’s consulate logode interfere kora he nai koise.
Afghanistan de Pakistan pora Jalalabad consulate bondh korise
Add Comment