Kandahar, February 12: Saturday te ekta Taliban bomber pora gari te bomb loikene southern Helmand province te thaka ekta bank bahar te hamla korikene thakishe. Eitu bank te salary lobole ahikene thaka Afghan sipahi khan ke eitu bomber pora target korikene thakishe. Eitu hamla te kum se kum (at least) choi jon manuh morishe. Eneka officials khan pora report korikene koise.
Capital Lashkar Gah te thaka bankte eitu hamla hoikene thakishe aru eitu blast te dusra bisi jon manuh khan bi jokhom hoikene ase. Jokhom hua manuh khan majote chutu bacha aru maiki manuh khan bi thakishe aru konuba manuh khan laga halat toh bisi biya ase.
Eitu hamla toh ami khan pora korishe koikene Taliban pora responsibility loikene ase aru koise, olop din agge te US pora Sangin district te hawai-hamla kora karone ami khan bodla (revenge) lobole eitu hamla kora ase.
Helmand police chief Agha Noor Kentoz pora koise, “Ekta suicide car bomber pora choijon manuh ke morai dishe aru mora manuh majote pans jon manuh toh sipahi (soldiers) ase. Dusra 21 jon manuh bi eitu blast te jokhom hoikene ase.”
Add Comment