KABUL: Officials koishe komti hoile bhi 25 Afghan sipai khan Taliban khilaf te larai kura samay te murishe. Taliban khan para southern Afghanistan laga Helmand province te thaka military base te hamla kurishe.
Provincial governor statement te koishe tai koishe Afghan forces para komti hoile bhi nouta Taliban insurgents ke murai dishe. Etu te teenta suicide bombers thakishe. Etu ghatna toh hardline Islamist group para hamla kura nimite hoishe. Afghan commando khan area toh etiya clear kuri ase.
Kabul laga senior security official Friday laga ekdam fusur te 215 Maiwand Army Corps khilaf te hamla hoishe. Etu hamla toh Taliban khan para Camp Shorab te third time attempt kurishe.
Helmend te thaka Afghan security forces officer koishe military corps compound laga dining room bhitor te ekta suicide bombers para nijor ke puthaishe. Aro larai toh lagatar chuli thakishe.
Dusra duita security officials koishe Afghan troops logote meli kena kaam kuri thaka U.S. advise aro assist mission toh base para operate kuri thakishe. Base te present thaka foreign forces toh suraksit (safe) thakishe. Taliban khan toh wall toh biya kuri bhitor te ahibole napara nimite ase. Taliban spokesman Qari Yousuf Ahmadi statement te koishe dusman forces khan laga bishi members khan murija aro jokom huwa nimite bhari larai toh lagatar chuli thakishe.
Add Comment