Kabul, 07 October: Saturday din Afghan Ministry of Defense (MoD) pora janaideya hesab deh, Afghanistan National Security Forces (ANSF) pora jaija 24 khonda time deh 57 pethor-manu moraidese. Desh laga alag-alag jaga de hamla howah nai-nai koile be 8 jun jokhom powah toh mathi aro akash hamla howah pora ase koi-kena ministry pora janaise. Desh laga 15 jaga de hamla howah khan toh Kunar, Helmand, Baghlan, Kandahar, Nangarhar, Herat, Ghazni, Badakhshan, Urozgan, Nimroz, Paktia, Faryab, Khost, Sar-e-Pul aro Logar deh thakise. MoD pora dushman laga camp aro hatyar beya korideya toh Farah jaga deh hawah pora hamla kora time de thakise koise. Hoilebe ministry pora civilian nahoile security force moraideya nahoile jokhom powah khobor eku janaideya nai.
Afghanistan National security forces pora 57 pethor-manu moraidese
Add Comment