Afghanistan, 12 May : Taliban laga ekta nishpoti — juntu international criticism uthai loise kintu olop he surprise — te Afghanistan te chess khelak officially suspend kori dise. Taliban laga Sports Directorate huni dise ki etu suspension thakibo jabole, jabole tak religious scholars decide no kore ki etu khel Islamic principles logot milaye nai. Tai laga reason ase gambling aru dharmik alignment upor te doubt.
Etu to prothom bar nohoi jabole Taliban Afghanistan laga sports life te interfere korise. 2021 pora, sob mahila ke professional nai hoile recreational — kunu type laga sport khelibo pora ban kori dise. Etu nishpoti Afghanistan laga female athletes laga saal-bhorot progress ke hatai dise, juntu te national women’s cricket team bhi ase. Taliban authorities Mixed Martial Arts (MMA) ke bhi ban korise, koikene etu “beshi violent” aru “Sharia teaching logot ulta” ase. Taliban return hobo bitore professional sports te face-punching bhi ban hoise.
Latest chess laga suspension bhi community te ripple effect loise — especially Kabul nisena jagah te jikhon te cafe sob informal tournament host korise. Youth engagement karone etu ekta aru dangor jhatka hoise.
Bohut manuh karone, Afghanistan te chessboard ekta last remaining safe space thakise — jikhon te bonding aru ekta chukti rebellion thakise. Kintu etiya, etu chukti anondh bhi Taliban laga rule niche ahise.
Add Comment