Afghanistan te Taliban para 28 police ke morai dishe

Kabul: September 24, 2020. Wednesday din,  southern Afghanistan te mara-mari korikena Taliban para 28 paramilitary policemen ke morai dishe koikena officials para janaise. Government para controlled kori thaka district te besi tangor pithor manuh hath para nokson hoishe. Local official para koishe ke, Taliban khan surrendered kora beche police ke marishe, hoilebi pithor manuh para nahoi joishe aro etu samay AFP para khobor toh jolti janai thiboli parah nai. Etu larai toh, southern province of Uruzgan laga Gizab district te hoishe, etu chaka te besi din para larai kori ahishe aro etu oper te Taliban sepia para Afghan police aro army outposts toh kabzaa koribo parishe. Uruzgan governor laga spokesman Zelgai Ebadi para koishe ke, Tuesday rati te Taliban fighters para 28 local aro national police logot surrendered koribo thikena ghor te jabole chance thishe. “hoilebi, tai khan laga bontok utha beche Taliban para sob sepia khan ke mari thishe’, koikena Ebadi para koishe. Provincial council laga head Amir Mohammad Barekzai para koishe ke, manuh mora aro tangor larai kora toh janai thishe. Sepia khan ke surrender kora beche naa nakora beche moriase, Barekzai para koboli parah nai. Third local official, koishe ke, mora sepia khan toh 28-30 police thakishe aro tin(3) jun police manuh toh bolaboli parishe. Interior ministry para mora oper te kotha kora nai. Statement te Taliban para koishe ke, police manuh ke surrender mora beche marishe kowah toh nahoi koishe. “dushman ke surrender kora beche morai thishe toh mesa kotha ase. Mujahidin (Taliban fighters) para arms neji korikena larai kotom koriboli koishe, hoileni tai khan larai koriboli echa ase”, koikena Taliban spokesman Yusuf Ahmadi para Twitter te koishe. Sunday aro Monday din pithor te 14 Afghan police aro soldiers khan ke mora beche etu 28 sepia ke aro marishe. Taliban aro Afghan government Doha te meeting kori ase, etu samay 19 saal war kori thaka toh kotom koriboli kotha koi ase. September 12 darik para peace talks soruh kora beche Afghanistan te notun larai olai ase.