Agartala airport juldi international airport status pabole asey

GUWAHATI, SEPT 06: Maharaja Bir Bikram Airport Tripura laga Agartala tey toh Centre para juldi ekta international airport kuina declare hobole asey koshish khan jaari tey asey state tey alak duita na chulai kena thaka airport khan ke operational kuri bole. Itu toh decide hoishey Maharaja Bir Bikram Airport ke ekta international airport kuina declare kuri diya pichey flights khan toh etu shehar aru Bangladesh laga Chittagong majo tey operate kuribo  Hoishe kuilebi, etu osor thaka desh tey shanti na thaka la time tey, government toh sure nai Bangladesh tey jaa flights khan toh operate kuribo paribo na nai.  Itu toh agey decide huishey SpiceJet Agartala aru Chittagong majo tey flights khan operate kuri bole aru etu hisab tey state government decide kurishey Rs 15 crore laga amount ekta Airports Authority of India (AAI) ke  dibole. Tripura government Rs 3.85 crore toh AAI ke terai dishey jai jaa December 2022 tey teen (3) mahina karne advance la hisab tey. State government toh Ministry of Home Affairs (MHA) laga nichey Bureau of Immigration ke ke 25 police personnel toh di thaki asey. Alak side tey toh, Civil Aviation Ministry initiatives khan loi loishey northern Tripura tey thaka  Kailashahar aru Kamalpur airports khan ke operational bana bole kuntu khan toh function na hoi kean thaki asey. January 4, 2022 tey, Prime Minister Narendra Modi Maharaja Bir Bikram Airport laga notun integrated terminal toh inaugurate kurishey kuntu toh Rs 438 crore la daam tey banaishey. Total 16 flights khan toh itya etu airport para operate kuri asey  4000 passengers khan hoidai itu airport tey jaa khan logotey. Present tey, Lokpriya Gopinath Bordoloi International Airport (LGBIA) Assam laga capital Guwahati tey aru Bir Tikendrajit International Airport Manipur laga Imphal tey toh pura Northeastern region tey ekta international status toh enjoy kure.