Agartala, 1 April : Agartala Smart City Project mota-moti complete hoijai ase, Chief Minister Manik Saha koi thakishey ki 95% kaam already complete hoijai se.
Baki thaka kaam May 2025 te complete koribo lagey koi kina update Tripura Legislative Assembly te dibi dise. CM Saha janai dise ki Union Cabinet para approve kora Smart Cities Mission scheme June 30, 2025 te khotom hoijabo aru Union Government para extend kora nai.
Agartala Smart City Project laga total cost Rs. 541.04 crore ase, jun majote Central Government Rs. 490 crore aru State Government Rs. 51.04 crore fund di dise, 90:10 funding ratio hisab te.
Etu initiative majote 65 ta project uthai dise, jun majote 62 ta project already complete hoijai se, jun laga total value Rs. 375.97 crore ase.
Baki thaka tinta project ongoing ase—Airport Road laga four-laning (Lichu Bagan para New Airport Terminal tak) jun laga cost Rs. 96.17 crore ase, MBB College Lake laga development (Rs. 32.31 crore), aru ekta Children’s Park develop koribo (Rs. 7.64 crore). Itu projects next ekta saal majote complete hoijabo expect kora ase.
Add Comment