Agartala special train services aro othaishe

April 6, 2021. Festival Special train laga services- Habibganj aro Agartala pithor te 8 trips aro othai thishe aro etu oper te din aro samai toh be passengers khan besi rush nakoribo nemite putli korishe. Ek hafta nemite special train toh Muzaffarpur aro Yesvantpur junction via Katihar junction aro Malda Town te etu moina para passengers khan ke aram thibo nemite perabo, koikena NF Railway laga chief public relations officer, Subhanan Chanda para junaishe. Train No. 05228 Muzaffarpur-Yesvantpur Weekly Express Special toh hotai Monday, April 5, 2021 para June 28, 2021 din dak Muzaffarpur para 7:25 am te jarikena Yesvantpur toh tin(3) tin wala te 11:15 am samai ponchibo. Wabas kora samai, Train No. 05227 Yesvantpur-Muzaffarpur Weekly Express Special toh hotai Wednesday April 7, 2021 para June 30, 2021, Yesvantpur para 11:55 pm jaribo aro 4 din wala te Muzaffarpur junction toh 1:10 am te ponchibo koishe. Etu train toh Katihar junction hoikena Malda Town perabo aro train toh passengers khan nemite AC 1st class, AC-2 tier, AC- 3 tier, sleeper class, second class thakibo. Train No. 01665 Habibganj-Agartala Weekly Festival Special toh darik aro samai putli korikena Habibganj para hotai Thursday din 3:30 pm para jara toh Saturday din Agartala 8-15 pm samai ponchibo. Etu train services toh 8 trips nemite April 8, 2021 para May 27, 2021 darik dak othai thishe koishe. Wabas kora te, Train No. 01666 Agartala-Habibganj Weekly Festival Special nemite darik aro din putli korikena hotai Sunday Agartala para 3-00 pm jarikena Tuesday din Habibganj toh 4-35 pm samai ponchibo. Etu train service toh 8 trips nemite April 11, 2021 para May 30, 2021 dak othaishe. Train toh reserved te perabo aro passengers khan nemite AC- 2 tier, AC- 3 tier, sleeper class aro general second class coaches thakibo koishe. Etu train laga details samai toh Railway’s website te paijabo aro etu oper te alag-alag newspapers aro NF Railway laga social media platforms te khobor toh janai thiboli koishe.