November 25, 2024, 05:31 PM : Indian Army para toh hoiley announce kurishey, itu Agniveer Recruitment Rally kuriboley asey koi kena, shortlist kuri kena thaka candidate khan nimitey, Nagaland para, kuntu toh hoiley 16th para 19th December, 2024 tak loboley laga schedule kuri di kena asey, itu Indira Gandhi Stadium, Kohima tey.
Itu rally toh hoiley itu Agnipath Scheme under tey conduct kuri asey, ekta valuable opportunity provide kuri kena, itu Nagaland laga youth khan nimitey, itu prestigious Indian Army join kuriboley.
Candidate khan admit card khan download kuriboley dukh pai asey koiley, tai khan ke Army Recruiting Office (ARO), Rangapahar ke contact kuriboley koishey, landline – 03862-249012 tey para nahoilebi mobile – 7628023484 tey para assistance nimitey.
Itu recruitment laga process toh hoiley pura puri merit-based tey asey aru candidate khan toh hoiley written, physical aru medical examination khan pass kuriboley lagey, select hoboley karney.
Itu Indian Army para toh hoiley emphasize kurishey, eku agent nahoiley bhi dalal khan toh itu result ke influence kuriboley naparibo, aru candidate khan ke advise kurishey eneka nishina fraudulent activity khan laga shikar nahoboley koishey.
Add Comment