Agra-Lucknow Expressway accident: ‘BJP laka negligence’ Akhilesh Yadav

July 10, 2024: Wednesday din deh Samajwadi Party president Akhilesh Yadav para, Agra-Lucknow Expressway laka accident karne, Uttar Pradesh deh taka Bharatiya Janata Party-led government kan responsible ase kui shae. Etu accident deh 18 jun muri shae. Yadav para expressway deh taka safety measures keh question kuri shae aro incident tho investigate kuri bole lakeh kui shae. Unnao district laka Agra-Lucknow Expressway deh, ekta double-decker sleeper bus, ekta mild tanker lokot deh laka laki hui shae. Bus tho Bihar laka Motihari jaka par delhi deh jai taki shae. Officials para etu accident deh 18 jun muri shae kui shae aro 19 jun jokom kai shae kui shae. Tai para etu ekta X post deh kui shae, “ Lucknow-Agre Expressway laka accident, kuteh 18 jun muri shae, etu tho BJP government laka negligence karne ase. Expressway deh ekta dedicated paring jaka taki nah b, gari tho kile rasta laka middle deh park hui nah taki shae? CCTV cameras kan taki nah b kinaka park kura gari laka monitoring tho gulti hui jai shae? CCTV camera kan tho kam kura taka nai neki? Etu tho investigate kuri bole lakeh.” “highway police kan kuteh taki shae. Patrol kura taka nai neki? Accident hua piche deh, Highway Ambulance Service kan kiman deri piche deh ahi shae aro casualties laka relation deh taikan laka role ki taki shae?”  Bahujan Samaj Party (BSP) chief Mayawati para accident deh mura manu kan karne, taila condolences express kuri shae. Muila heartful condolences. Enaka nishi nah accident nahu bo karne measures kan lubo leh lakeh,” tai para ekta X post deh kui shae.