August 03, 2024: Ekta locust bhorta ula laga khobor pawa pichetey, Longkei bosti tey, Mon sadar under tey, July 27 tey, itu agriculture laga department kuntu toh hoiley deputy director Dr. Beremjungla para lead kuria laga, tai para itu locust jama kuri kena thaka area tey visit kurishey, itu situation ke assess kuriboley. Locust toh hoiley manu khan laga jeevan karney biya nahoi, komti thakishey koiley, hoilebi itu toh hoiley bishi biya wala hobo pari asey, mati sukha thaka laga season khan laga homoi tey, aru itu pichetey rapid para vegetation khan ulathakishey koiley, kuntu para tai khan ke bishi para breed kuriboley kuri diye. Ekta press release tey, agriculture laga director – C. Peter Yanthan para koishey, itu team toh hoiley paishey ki, itu locust khan toh hoiley Punuho area laga field khan tey infest kuri kena asey, Longkei bosti laga, itu Tiru Valley aru Singhan Wildlife Sanctuary osor tey.
Itu directorate laga team para Pongkong bosti phaney jaishey aru bhi inspect kuriboley aru janiboley ki, locust toh hoiley poila toh Tiru valley tey para he dikhiboley paishey koi kena, July 25th, 2024 tey, aru itu pichetey Pongkong Bosti tey jailoishey, aru itu pichetey, itu Longkei tey, kotey itu locust paachta field khan damage kuri dishey, 8.2 hectare khan nishina cover kuri kena.
Add Comment