Agricultural Entrepreneurs Award baise

DIMAPUR, SEPTEMBER 2 : Educatded Agricultural Entrepreneur, Lucy Ngullie Thomas laga bhal aro ekdam mon de kena kam kura laga pora Nagaland Governor PB Acharya laga mon de chuhi dese (impressed). Aro tai etu karne Governor’s Award koi kena Award debole kurise. Etu ke Rs. 1 lakh poisa Agricultural Entrepreneurs kan kdam mon de kena kam kura kan ke debole kuri ase. Tai bi Horticulture Department Officials kan ke lok kuribo aro etu Award nemite kotha kuribo koi kena janaise. Kele etu porahi etu Lucy Ngullie nesena tusera manu kan bi etu Agriculture Entrepreneurs kan kam jula hobo koi kena.29^th August 2018 te Chumukedima, Police Guest House te Lucy Ngullie Thomas ke etu Governor Acharya lok kurise. Aro tai logot etu denga aro sabji (organic fruits/vegetables) kan nemite ki-ki sai kena thakise. Etu time te tai besi khushi baise aro tai laga mon de chuhi dese koise. Etubi tai etu Organic Denga aro sabji kan ke eman khushi bai kena thaka majutte. Tai bi etu sabji aro denga kan ula toh North East states kan sob majutte ekta bhal denga ula jaka ase. Etubi tusera jaka kan kebi bhekai kena thaka ekta ase koi kena. Etu nemite tai bi besi khushi baa janaide thakise koise.Etu Lucy Ngullie Thomas toh Dream Dragon Fruit Farm laga Proprietor ase. Aro tai bi tai kinika etu kam kurikena thakise etu kan janaide thakise. Aro tai porabi Governor ke denga kan Box bitorte thali kena dese koise.